Organización
Podemos nació cola convicción de que se puede algamar un cambeo y cola seguranza de que nun lu van trayer los demás partidos políticos (y menos tovía los que nos truxeron a la situación actual), va venir de les persones que trabayen o busquen trabayu tolos díes y desixen, con tola llexitimidá, un futuru más próspero y menos desigual pa elles y les sos families.
Tenemos una idea clara de cuálos son los nuestros problemes (polítiques inxustes y ineficientes; instituciones de toos al serviciu d’unos pocos; corrupción; desigualdá…) y de cuáles son les soluciones: un gobiernu pa la xente, responsable, solvente, independiente y comprometíu con quien nagua por un futuru meyor.
De siempre supimos que diba ser difícil, pero contamos col alientu y la experiencia de munchísimes persones. Nel nuestru país abrióse la posibilidá del cambeo políticu. P’algamalo facemos falta toos, vengamos d’onde vengamos, votáramos en pasao lo que votáramos.
Ye agora. Sí se puede. Podemos.
¿Cómo s’organiza Podemos?
Asamblea Ciudadana
L’Asamblea Ciudadana fórmala’l conxuntu de la ciudadanía inscrita en Podemos, actualmente alredor de 350.000 persones. Ye l’espaciu onde se tomen les grandes decisiones (elecciones primaries, elecciones a cargos internos, estratexa política, programa…) y onde tolos inscritos participen de manera directa y igual con voz y votu. Los únicos requisitos pa participar son: ser mayor de dieciocho años, comprometese a construir Podemos y aceptar el so Códigu Éticu.
Documentos aprobaos na Asamblea Ciudadana de Vistalegre
Órganos
Círculos
Son agrupaciones voluntaries y abiertes de persones que converxen a partir del interés pol cambiu, y que se sustenten na democracia y na participación. Esisten dos tipos de círculos: los territoriales, que pertenecen a un territoriu determináu, y los sectoriales, que trabayen nun ária programática o categoría profesional. Tienen independencia organizativa siempre que se respeten los documentos aprobaos pola Asamblea Ciudadana. Cualquier persona puede poner en marcha un círculu y solicitar la validación, nun fai falta tar inscritu/a o ser miembru de Podemos.