En Podemos tomamos los nuestros mecanismos de financiación y tresparencia como una cuestión política de máxima importancia porque consideramos que la independencia financiera y la tresparencia nos partíos ye una condición necesaria pal correctu funcionamientu de la democracia.
Pa poder financianos ensin depender de los bancos nin de los poderes económicos, apostamos dende l’entamu por desenvolver ferramientes de financiación innovadores y participatives inspiraes nos valores de la economía collaborativa, de manera que proponemos que la ciudadanía sea copartícipe de la financiación de los proyectos. Estes ferramientes son les collaboraciones, los crowdfunding y los microcréditos.
Para nun cometer los errores del pasáu ye imprescindible facer les coses de forma diferente. Tenemos el firme compromisu de nun depender de los bancos nin de los poderes económicos. Por eso, dende’l nuestru nacimientu foi una prioridá ampliar al máximo la base de donantes y collaboradores, polo qu’establecemos límites a les donaciones más esixentes que los que determina la llei.
En Podemos practicamos la tresparencia que queremos ver nes instituciones. Obligámonos a enseñar en qué gastamos hasta l’últimu euru. Nos nuestros Estatutos comprometímonos a publicar les nuestres cuentes de forma trimestral y a presentales de forma accesible y comprensible.Nel nuestru Portal de Tresparencia vamos incluir el detalle y la factura de cada gastu.
