IMPULSA naz pa facilitar el desendolque de proyectos emprendedores con proyección social. L’apoyu ofrecíu dende Podemos consiste nuna dotación económica pa los proyectos más votaos pola xente y na posibilidá d’utilizar el Bancu de Talentos de Podemos p’asina abrir los proyectos a nuevos collaboradores, especialmente a aquellos nes que les habilidaes son más necesaries. La dotación económica del Proyectu IMPULSA sal del remanente de los cargos públicos electos de Podemos, que, col compromisu de ser xente corriente y facer de la política un serviciu a la sociedá, tienen un límite salarial, nel que l’excedente financia los proyectos ganadores. La existencia d’un fondu común y d’un sistema democráticu, participativu y tresparente de selección de proyectos va permitir evitar el desarrollu de vínculos ente los cargos públicos electos y les iniciatives concursantes que desvirtúen los oxetivos del proyectu.