IMPULSA gizarte-eragina duten proiektu ekintzaileen garapena errazteko sortu da. Podemosek emango duen laguntza datza, batetik, zuzkidura ekonomiko batean (jendeak boto gehien ematen dion proiektuarentzat); eta, bestetik, Podemosen Talentu Bankua erabili ahal izatean. Talentu Bankuak proiektua zabaltzen die kolaboratzaile berriei, bereziki, proiekturako beharrezko trebetasunak dituztenei. IMPULSA proiektuaren zuzkidura ekonomikoa Podemoseko kargu publikodun hautetsien soberakinetik dator. Podemoseko kargu publikodunek soldata-muga bat dute, jende arrunta izateko eta politika herritarren zerbitzura jartzeko duten konpromisoa dela eta: muga horri esker lortutako soldata-soberakinak finantzatzen ditu proiektu irabazleak. Bai funts komunak, bai proiektuak hautatzeko sistema demokratiko, partaidetzazko eta gardenak bermatuko dute proiektuaren helburuak indargabetuko lituzkeen loturarik ez sortzea, kargu publikodunen eta ekimen parte-hartzaileen artean.