Primarias para las elecciones generales2015-07-25T14:34:12+02:00

Primarias para las elecciones generales

Votación del 17 al 22 de julio en participa.podemos.info

Félix Faya Tudela

Félix Faya Tudela

Biografía

Nací en 1982 en La Cavaina, una casería al sur de Nava y baxo la Sierra de Peñamayor, unu de los últimos bastiones asturianos de los fugaos, aquellos lluchadores pola democracia. Escuchando a los mis mayores y viendo a Julio Anguita pela tele, empecé a tener interés pola política. Acuérdome siendo delegáu en 3º de la ESO cuándo secundamos una fuelga educativa convocada contra los recortes propuestos por una ministra recién llegada que se llamaba Esperanza Aguirre y que ya d'aquella recordábame a la Bruja Avería. Al tiempu qu'estudiaba nel institutu ayudaba na esplotación agroganadera familiar. Más tarde trabayaría de carpinteru, como reponedor o de camareru. Llicenciéme na Universidad de Oviedo na carrera d'Historia. Anguaño, por esto de que la historia igual ye cíclica, vuelvo a los oríxenes y a falta de más perspectives toi empezando a dedicame, otra vuelta, a llabrar la tierra. Tengo participao en distintos movimientos sociales. Nel movimientu estudiantil, nel movimientu de reivindicación llingüística, nes Marches de la Dignidá... Descubrí que podíamos tar anunciando dalgo nuevo col 15M, comprobé que daqué taba cambiando cuando "los indignaos" ocupamos una conseyería abandonada a la especulación y la convertimos nun centru social al serviciu del pueblu (propietariu llexítimu del inmueble) que disfrutó de la simpatía de gran parte de la sociedá civil asturiana, el CSOA la Madreña.

 

Motivación para presentarse

La crisis-estafa y los movimientos de protesta contra ella ficieron subir el nivel mediu de conciencia, pero avanza tamién el ritmu de desposesión de los comunes y la destrucción de lo poco que queda del estáu del [nuestru] bienestar. Por eso ye necesario buscar una traducción de lo que vivimos nes calles estos años de p'atrás pa disputar y ganar les instituciones a les élites económiques y polítiques que piensen que los sos beneficios valen más que les nuestres vides y poneles al serviciu de la mayoría social víctima del saquéu y la cleptocracia. Preséntome a estes priomaries porque quiero contribuir a qu'Asturies recupere'l so protagonismu, la so centralidá, que como nos meyores momentos de la historia d'España haiga una lluz nel norte qu'allume'l camín.

 

Ir a Arriba